नेपालको यू–२० महिला राष्ट्रिय फुटबल टोलीले आजदेखि सुरु हुने एएफसी यू–२० महिला एसियन कप २०२५ दोस्रो चरण छनोट अन्तर्गत उद्घाटन खेलमा आयोजक भुटानसँग प्रतिस्पर्धा गर्नेछ। खेल भुटानको राजधानी थिम्पुस्थित चाङ्लिमिथाङ रंगशालामा साँझ ५:४५ बजे सुरु हुनेछ।
समूह बी मा परेको नेपालले दोस्रो चरणको छनोटमा आयोजक भुटानसहित, लेबनान र उत्तर कोरियासँग प्रतिस्पर्धा गर्न लागेको हो। समूह विजेता मात्र अन्तिम चरणको लागि छनोट हुनेछ, जसले अर्को वर्ष उज्बेकिस्तानमा आयोजना हुने एएफसी यू–२० महिला एसियन कपको यात्रा तय गर्नेछ।
टोलीको तयारीबारे बोल्दै नेपाली टिमकी प्रशिक्षक सुनिता थापा मगरले टोली राम्रो तयारीसहित मैदान उत्रने बताइन्। “हामीले अभ्यासमा धेरै मेहनत गरेका छौं। पहिलो खेल महत्वपूर्ण हुन्छ, भुटानलाई उसकै मैदानमा हराउन सहज भने हुने छैन तर हामी आत्मविश्वासी छौं,” प्रशिक्षक थापाले भनिन्।
नेपालले समूह चरणको दोस्रो खेल अगस्ट ८ मा उत्तर कोरियासँग र तेस्रो तथा अन्तिम खेल अगस्ट १० मा लेबनानसँग खेल्नेछ।
एएफसी यू–२० महिला एसियन कपको छनोट चरण एसियाका युवा महिला फुटबल प्रतिभाहरुलाई अन्तर्राष्ट्रिय स्तरमा आफ्नो क्षमता देखाउने उत्कृष्ट अवसरका रूपमा लिइन्छ।
उर्गेन स्पोर्ट्स डट कमका लागि
प्रकाशक/प्रधान सम्पादक : अमृत तामाङ
सम्पादक : उत्तम भट्ट
सह-सम्पादक : दिलिप थापा
बजार प्रतिनिधि :
प्रतिक्रिया दिनुहोस