रूबी भ्याली गाउँपालिकाको आयोजनामा र थोकर समाजको व्यवस्थापनमा अन्तर–पालिका स्तरीय भलिबल प्रतियोगिता यही कार्तिक ७ गतेदेखि १० गतेसम्म सेर्तुङमा आयोजना हुने भएको छ ।
दिपावलीको अवसर पारेर आयोजना गर्न लागिएको यो प्रतियोगितामा सहभागिता जनाउन इच्छुक टिमहरूले कार्तिक ५ र ६ गतेभित्र टिम दर्ता गर्नुपर्नेछ । टिम दर्ता शुल्क रु. ३,५०० तोकिएको आयोजक समितिले जनाएको छ ।
प्रतियोगितामा उत्कृष्ट प्रदर्शन गर्ने टिमहरूलाई आकर्षक नगद पुरस्कार प्रदान गरिनेछ —
🏆 प्रथम पुरस्कार: रु. ५०,०००
🥈 द्वितीय पुरस्कार: रु. ३०,०००
🥉 तेस्रो पुरस्कार: रु. २०,०००
समारोहका प्रमुख अतिथि रूबी भ्याली गाउँपालिकाका अध्यक्ष रामसिंह तामाङ रहनेछन् भने विशेष अतिथि गाउँपालिका उपाध्यक्ष फेलामा तामाङ हुनेछन् ।
थोकर समाजका संयोजक पटे तामाङ (फोन: ९७६६५४४७३९) ले स्थानीय युवाबीच खेल भावना, सौहार्द र प्रतिस्पर्धात्मक क्षमताको विकासका लागि यस प्रतियोगिताले महत्वपूर्ण भूमिका खेल्ने विश्वास व्यक्त गर्नुभयो । उहाँले सबै खेलाडी, टिम प्रतिनिधि र दर्शकलाई खेलकुद उत्सवमा सहभागी हुन आग्रह गर्नुभयो ।
रूबी भ्याली गाउँपालिकाले यसअघि पनि विभिन्न खेलकुद तथा सांस्कृतिक कार्यक्रममार्फत गाउँका युवालाई सशक्तिकरण गर्ने कार्य गर्दै आएको छ ।
उर्गेन स्पोर्ट्स डट कमका लागि
प्रकाशक/प्रधान सम्पादक : अमृत तामाङ
सम्पादक : उत्तम भट्ट
सह-सम्पादक : दिलिप थापा
बजार प्रतिनिधि :
प्रतिक्रिया दिनुहोस